وەزارەتی پەروەردە سوود لە ئەزموونی سەرکەوتووی نیوزلەندا وەردەگرێت

ئاڤا نیوز

 

وەزارەتی پەروەردەی هەرێمی کوردستان لە کەرتی خوێندن سوود لە ئەزموونی نیوزلەندا وەردەگرێت.

 

وێنە گەورەکە: شاندێکی وەزارەتی پەروەردە بە سەرۆکایەتیی وەزیری پەروەردەی بەشدارییان لە کۆڕبەندی پەروەردەی جیهانی لە لەندەن کردووە.

 

ڕاگەیێنراوی فەرمی: وەزارەتی پەروەردەی هەرێمی کوردستان ڕایگەیاند: "وەزیری پەروەردە لەگەڵ ئێریکا ستانفۆرد، وەزیری پەروەردەی نیوزلەندا  و شاندی وەزارەتی پەروەردەی ئەو وڵاتەکۆبووەوە و باسیان لە هەماهەنگی لەبواری پەروەردە کرد".

 

ئەمەش بزانە: لە کۆبوونەوەکەدا، باس لە ئەزموونی سەرکەوتووی کەرتی خوێندنی نیوزلەندا کرا لە هەڵسەنگاندنی نێودەوڵەتی PISA، کە ئیستا لیژنەی باڵای نیشتمانیی کوردستان ئامادەسازی دەکەن بۆ ئەنجامدانی هەڵسەنگاندنی PISA بۆ کەرتی پەروەردە.

 

هۆکارە زانراوەکان: پرۆگرامەکە، پرۆگرامێکی نیودەوڵەتییە بۆ هەڵسەنگاندنی زانیاریی و کارامەیی قوتابیانی 15 ساڵ لە بوارەکانی خوێندنەوە، بیرکاری و زانست؛ لەبڕی ئەوەی تیشک بخاتە سەر ڕاستییەکان، لە توانستی قوتابیان دەکۆڵیتەوە کە چۆن بتوانن زانیاریی و کارامەییەکانیان بەکاربهێنن بۆ ڕووبەڕووبوونەوەی ئاڵنگارییەکانی ژیان.

 

باکگراوند: لە ڕابردوودا وەزارەتی پەروەردە، بۆ بەرەوەپێشبردنی کەرتی خوێندن لە هەرێمی کوردستان، سوودی لە ئەزموونی چەندین وڵاتی پێشکەوتوو وەرگرتووە.