ئیسرائیل بەردەوامی بە دانوستانەكان لەگەڵ حەماس دەدات

ئاڤا نیوز

 

ئەنجوومەنی جەنگیی ئیسرائیل، تیمی دانوستكاری وڵاتەكەی ڕادەسپێرێت بۆ بەردەوامبوون لە دانوستانەكان لەگەڵ بزووتنەوەی حەماس.

 

وێنە گەورەكە: زیاتر لە سێ مانگە ئیسرائیل و حەماس لە دانوستان و گفتوگۆدان بۆ ئاگربەست، بەڵام تاوەکو ئێستا نەگەیشتوونەتە هیچ ڕێکكەوتنێك، لەبەر ئەوەی هیچ كامیان بە مەرجەكانی یەکتری ڕازی نەبوونە.

 

ڕاگەیێنراوی فەرمی: ئەنجوومەنی جەنگیی ئیسرائیل ڕایگەیاند: لەبەر ئەوەی چەند ئۆفەرێكی نوێ خراونەتە بەردەم تیمەكانمان، داوامان كردووە بەردەوامی بە دانوستانەكان بدرێت و تیمەكانمان بگەڕێنەوە بۆ دانوستانەكان.

 

بۆچی گرنگە: ئەگەر ئیسرائیل و حەماس ڕێك بكەون، دیلەكانی ئیسرائیل ئازاد دەكرێن و شەڕ دەوەستێت، هاوكارییە مادییەكانیش دەگەنە دەستی ئاوارەکان.