بە بەشداری ملیۆنان هاووڵاتی تەرمی ڕەئیسی بەخاك دەسپێردرێت

ئاڤا نیوز

 

ئەمڕۆ لە شاری مەشهەد لە مەزاری ئیمام ڕەزا، تەرمی ئیبراهیم ڕەئیسی، سەرۆككۆماری ئێران بەخاك دەسپێردرێت.

 

وێنە گەورەكە: ملیۆنان هاووڵاتی ئێرانی لە سەرتاسەری وڵاتەوە، سەردانی شاری مەشهەدیان كردووە بۆ بەشداریكردن لە ڕێوڕەسمی ناشتنی تەرمی ڕەئیسی كە بڕیارە لە مەزاری ئیمام ڕەزا لە مەشهەد بەخاك بسپێردرێت.

 

ئەوەی پێویستە بیزانیت: تەرمی سەرۆككۆماری ئێران لە شەقامی سەرەكیی ئیمام حوسێن لە مەشهەد لە بەردەم ئاپۆڕای ئێرانییەكاندا دەڕوات، بەشداربووان شیوەن دەكەن و 'یا حوسێن' دەڵێنەوە.

 

ڕاگەیێنراوی فەرمی: سەدا و سیمای ئێران دەڵێت: ملیۆنان هاووڵاتی لە سەرجەم شارەكانی ئێرانەوە لە ڕێوڕەسمی ناشتنی تەرمی ڕەئیسی بەشدارن.

 

بۆچی گرنگە: ڕێوڕەسمی بەخاكسپاردنی سەرۆككۆماری ئێران گرنگییەكی گەورەی هەیە لە ئێران و ملیۆنان كەس بەشداری لە ناشتنەكەی دەكەن.