دڵشاد شەهاب: چاوەڕوانی کۆمیسیۆنین بۆ دیاریکردنی وادەی هەڵبژاردن

ئاڤا نیوز

 

سەرۆکایەتیی هەرێمی کوردستان چاوەڕێی کۆمیسیۆن دەکات تاوەکو ڕۆژێکی نوێ بۆ هەڵبژاردن دیاری بکات، کۆمیسیۆنیش چاوەڕوانی یەکلاییکردنەوەی وادەی هەڵبژاردن دەکات. 

 

لێدوانی فەرمی: دڵشاد شەهاب، گوتەبێژی سەرۆکایەتیی هەرێمی کوردستان لە وەڵامی کوردستان حەسەن، پەیامنێری دیپلۆماسیی ئاڤا نیوز، ڕایگەیاند: تاوەکو ئێستا بەفەرمی ڕۆژی هەڵبژاردن دیارە، بۆ دیاریکردنی وادەی نوێی هەڵبژاردن، دەبێت کۆمیسیۆن بە فەرمی ئاگادارمان بکاتەوە کە ناتوانن لەو وادەیە هەڵبژاردن بکەن، ئەوکات ئێمەش وادەیەکی نوێ بۆ هەڵبژاردن دیاری دەکەین.

 

لەلایەکی دیکەوە: جومانە غەلای، گوتەبێژی کۆمیسیۆنی هەڵبژاردنی عێراق بە ئاڤا نیوزی گوت: "بەشێکی ڕێکارەکان سەرلەنوێ دەستپێدەکەنەوە، دوای یەکلابوونەوەی وادەی نوێی هەڵبژاردن، ئەنجوومەنی کۆمیسیاران بڕیار لەسەر ڕێکارەکان دەدات".

 
باکگراوند: ئەنجوومەنی نوێنەرانی عێراق ڕۆژی چوارشەممە 22-05-2024 بۆ سەرپەرشتیکردنی هەڵبژاردنی خولی شەشەمی پەرلەمانی کوردستان، ماوەی كاركردنی كۆمیسیۆنی باڵای سەربەخۆی هەڵبژاردنەكانی عێراقی بۆ 06-01-2025 درێژکردەوە.