لە گوندی مورتکەی سنووری هەولێر ئاگر لە کارگەیەکی غاز کەوتەوە

ئاڤا نیوز 

 

لە گوندی مورتکەی سنووری پارێزگای هەولێر ئاگر لە کارگەیەکی غاز کەوتووەتەوە و چەند تانکییەکی گەورە تەقیون و مەترسیی تەقینی سەرجەم تانکییەکان هەیە.

 

چیرۆکی سەرەکی: ئێوارەی ڕۆژی پێنجشەممە، 23-05-2024 ئاگر لە کێڵگەی غازی نەورۆز لە گوندی مورتکە سنووری هەولێر کەوتەوە، بووە هۆی زەرەرێکی زۆری ماددی و سێ کەسیش بریندار بوون.

 

لێدوانی پەیامنێر: ڕزگار کۆچەر پەیامنێری ئاڤا نیوز ڕایگەیاند: ئاگرەکە لە فراوانبوونی بەردەوامدایە، چەند تانکییەک یەک لەدوای یەک تەقیونەتەوە، ، سێ کەسیش بریندار بوون.

 

کاریگەری و لێکەوتەکانی: بەهۆی تەشەنەسەندن و بەرفراوانی ئاگری کارگە غازەکە لە مورتکە ڕێگەی کەرکووک - هەولێر داخرا، هەروەها بووەتە هۆی ئەوەی کارەبای گوندی مورتکە تاوەکو قەزای قوشتەپە نەمێنێت.

 

زانیاریی زیاتر: تیمەکانی بەرگریی شارستانی کە لە چەند تیمێک پێکهاتوون خەریکی کۆنترۆڵکردنی ئاگرەکەن، بەڵام تاوەکو ئێستا کۆنترۆڵ نەکراوە.