لە دهۆک سێ دەرمانخانە و شوێنێکی ڕێپێنەدراوی فرۆشتنی دەرمان داخران

ئاڤا نیوز

 

بەڕێوەبەرایەتیی کۆنتڕۆڵی جۆریی دەرمان، بەهۆکاری فرۆشتنی دەرمانی قاچاخ و دەرمانی میری MOH، چەند شوێنێکی ڕێپێنەدراوی فرۆشتنی دەرمانی لە شاری دهۆک داخست.

 

بڵاوکراوەی فەرمی: وەزارەتی تەندروستی ڕایگەیاند، تیمی چاودێریی بازاڕی کۆنتڕۆڵی جۆریی دەرمان لە پارێزگای دهۆک، بە هۆکاری فرۆشتنی دەرمانی قاچاخ و میری MOH، چەند شوێنێکی ڕێپێنەدراوی دەرمانفرۆشتنیان داخست و ڕێکاری یاساییش بەرامبەر خاوەنی ئەو شوێنە ڕێپێنەدراوەکە دەگیرێتەبەر.

 

لێدوانی فەرمی: دکتۆر سەرکار سورچی، گوتەبێژی وەزارەتی تەندروستی بە ئاڤا نیوزی ڕاگەیاند: وەزارەتی تەندروستی ئەوە دووپات دەکاتەوە هەر مامەڵەکردنێک بە دەرمان، بەدەر لە ڕێنمایە تەندروستییەکانی وەزارەتی تەندروستی و کوالێتی کۆنترۆڵی جۆرییەوە قەدەغەیە و ڕێکاریی یاسای دەگیرێتە بەر.

 

زانیاری زیاتر: دەرمانی میری MOH؛ ئەو دەرمانانەن کە وەزارەتی تەندروستیی حکومەتی هەرێمی کوردستان لە نەخۆشخانە و بنکە تەندروستییەکان، وەک خزمەتگوزاریی گشتی بۆ هاونیشتمانیانی دابین کردووە و دەتوانن بەخۆڕایی وەریبگرن.