لە میانمار بەهۆی پێکدادانەکانەوە دەیان هەزار کەس ئاوارە بوون

ئاڤا نیوز

 

نەتەوە یەکگرتووەکان هۆشداریی خراپتربوونی ڕەوشی هەرێمی ڕاکین لە میانمار دەدات و دەڵێت، کوشتن و سووتاندنی خانووی موسڵمانەکان بەردەوامە و دەیان هەزار کەسیش ئاوارە بوون.

 

لێدوانی فەرمی: ئەلیزابێس ترۆسێل، گوتەبێژی ئۆفیسی مافەکانی مرۆڤی سەر بە نەتەوە یەکگرتووەکان ڕایگەیاند، "دەیان هەزار کەسی مەدەنی لە ڕۆژانی ڕابردوودا بەهۆی شەڕەوە ئاوارە بوون. بە گوێرەی مەزەندەکان، 45 هەزار ڕۆهینگیا بەرەو ناوچەی ڕووباری ناف لە نزیک سنووری بەنگلادیش ئاوارە بوون و بە دوای پەناگایەکدا دەگەڕێن".

 

زانیاریی زیاتر: دانیشتووانی ڕاکین لە پێکهاتەی ڕۆهینگیای موسڵمانن و چەندین ساڵە لەلایەن سوپای ئەو وڵاتەوە ڕووبەڕووی تووندوتیژی و جینۆساید بوونەتەوە.