لە دهۆک زۆرترین تاوانەكان لە ڕێگەی تۆڕە کۆمەڵایەتییەکانەوە دەكرێت

ئاڤا نیوز

 

گوتەبێژی پۆلیسی دهۆک ڕایگەیاند، زۆرترین ئەو تاوانانەی لەلایەن گەنجانەوە دەكرێت لە ڕێگەی تۆڕە کۆمەڵایەتییەکانەوەیە.

 

ئەوەی پێویستە بیزانیت: بەشێكی زۆر لە تاوانەكان لە سنووری پارێزگای دهۆک لەلایەن گەنجانەوە دەكرێت، زۆربەیان لە ڕێگەی سۆشیاڵ میدیاوە دەكرێت و زۆرترینیشیان بریتییە لە هەڵخەڵەتاندن و هەڕەشە كردن لەپێناو بەدەستهێنانی پارەدا.

 

لێدوانی فەرمی: هێمن سلێمان، گوتەبێژی پۆلیسی دهۆک بە ئاڤا نیوزی گوت: ئەو تاوانانەی كە گەنجان دەیكەن بریتین لە هەڕەشەی بڵاوكردنەوەی ڤیدیۆ، هەڵخەڵەتاندن و بڵاوكردنەوەی وێنەی نەشیاو، بەتایبەتی لە پلاتفۆڕمی تیكتۆک.

 

زانیاریی زیاتر: هێمن سلێمان گوتیشی: ڕێژەی ئەم جۆرە تاوانانە لە ناو ژناندا زیادی كردووە، کە پێشتر تەنیا كوڕان ئەم كارەیان دەكرد.