لە دهۆک یەکەم ئەلبوومی گەشتیاریی دروست دەکرێت

ئاڤا نیوز

یەکەم ئەلبوومی گەشتیاریی لە دهۆک دروست دەکرێت، پێکدێت لە 100 وێنەی جێگە گەشتیارییەکان.

بۆچی گرنگە: ئەم هەنگاوەی گەشتوگوزاری دهۆک لە چوارچێوەی هەوڵەکاندایە بۆ کارئاسانی بۆ گەشتیاران و ناساندنی شوێنە گەشتیارییەکان و ڕاکێشانی زیاتری گەشتیاران بۆ پارێزگای دهۆک. 

لێدوانی فەرمی: شەماڵ هروری، گوتەبێژی گەشتوگوزاری دهۆک بۆ ئاڤا نیوز باسی لە سوودەکانی ئەلبوومەكە کرد، لەوانەش ناساندنی پارێزگای دهۆک وەک پارێزگایەکی دەوڵەمەند بە شوێنی گەشتیاری، هاوكات پێشاندانی هەموو جۆرەکانی گەشتوگوزاری لە پارێزگای دهۆک.

زانیاریی زیاتر: بەگوتەی شەماڵ هروری ئەلبوومەکە لە پێشانگە نێودەوڵەتییەکان و چالاکییە گەشتیاریەکانی دەرەوەی وڵات جێبەجێ دەکرێت، ڕێگەیەکی ئاسان و زانستیشە کە بە وێنە ڕێكلام بۆ گەشتوگوزاری دهۆک بکرێت.

باکگراوند: پێشتر بەڕێوەبەرایەتی گەشتوگوزاری دهۆک ڕایگەیاند بوو، لە ساڵی 2023ـدا  نزیکی دوو ملیۆن و نیو گەشتیار سەردانی پارێزگای دهۆکیان کردووە.