کفری دەبێتە خاوەنی رێگەیەکی ستراتیژی

ئاڤا نیوز

 

ڕۆژی 26-5-2024 وەزیری ئاوەدانکردنەوە و نیشتەجێکردن ڕایگەیاند، بەردی بناغەی پرۆژەیەکی ستراتیژیی دادەنێن، کە لە چوارچێوەی بەڵێنەکانی حکومەتی هەرێمی کوردستانە کە پار ساڵ بە دانیشتوانی قەزای کفری دابوو.

 

بۆچی گرنگە: ڕێگا و بانەکان بە بڕبڕەی پشتی ئابووری هەر وڵاتێک دادەنرێت.

 

لێدوانی فەرمی: دانا عەبدولکەریم، وەزیری ئاوەدانکردنەوە و نیشتەجێکردن، ڕایگەیاند: ڕێگایەک بە درێژای 24 کیلۆمەتر دروست دەکرێت، خزمەت بە 12 گوندی سنوورەکە دەکات و 20 کیلۆمەتر ڕێگاکەیان بۆ نزیک دەکاتەوە.

 

لە لایەکی دیکەوە: تێچووی پرۆژەکە بڕی شەش ملیار و 300 ملیۆن دینارە و بە خەرجی کارگێڕی و یەدەگەوە دەگاتە حەوت ملیار دینار و لە ماوەی 400 ڕۆژ دەبێت تەواو بکرێت.