پردی ڕانیە - بنگرد کەرتی ئابووری و گەشتیاری دەڤەرەکە دەبوژێنێتەوە

ئاڤا نیوز 

بەڕێوەبەری ڕاگەیاندن و بەبازاڕکردنی گەشت و گوزاری ڕاپەڕین ڕایگەیاند، دروستکردنی هەر پرۆژەیەکی لەم جۆرە کاریگەری باشی لەسەر کەرتی ئابووری و گەشتیاری سنوورەکەمان دەبێت.

وێنە گەورەکە: ئەمڕۆ 27-5-2024 بە ئامادەبوونی سەرۆکوەزیران بارزانی  پردی ڕانیە-بنگرد کرایەوە.

لێدوانی فەرمی: سیروان ڕەسوڵ، بەڕێوەبەری ڕاگەیاندن و بەبازاڕکردنی گەشت و گوزاری ڕاپەڕین بە ئاڤا نیوزی ڕاگەیاند: کردنەوەی پرۆژەی پردی ڕانیە - بنگرد کاریگەری لەسەر بوژاندنەوەی کەرتی گەشتیاری و ئابووری سنوورەکە دەبێت، سەرنجی گەشتیاران بەلای خۆیدا ڕادەکێشێت.

ئەوەی پێویستە بیزانیت: پردەکە لەسەر زێی بچووکە و درێژییەکەی 420 مەتر و 15 مەتر پان و 32 مەتر بەرزە، ئیدارەی ڕاپەرین و شارۆچكەی دووکان و سلێمانی پێکەوە دەبەستێتەوە.