عەلی تەتەر: دهۆک یەکێکە لە ئارامترین شارەکانی جیهان

ئاڤا نیوز

 

پارێزگاری دهۆک ڕایدەگەیێنێت، دهۆک یەکێکە لە ئارامترین شارەکانی جیهان و دەوڵەمەندە به‌ کولتوور، فرەئایینی، زمان و پێکهاته‌ی جیاواز.

 

وێنە گەورەکە: ئەمڕۆ 55 ساڵ بەسەر پارێزگابوونی دهۆک تێدەپەڕێت، بەو بۆنەیەشەوە کەرنەڤاڵێک لەژێر ناوی "یەک دەست و یەک رەنگ" بەڕێوەچوو.

 

لێدوانی فەرمی: لەمیانی بەشداریکردنی لە کەرنەڤاڵەکەدا، د. عەلی تەتەر، پارێزگاری دهۆک گوتارێکی پێشکەش کرد و گوتی، "دهۆک یەکێکە لە ئارامترین شوێنەکانی جیهان، هەر بۆیە ئەگەر ئێمە لە لایەنی ئەمنی خۆمان دڵنیابووین، ئەوکات هەوڵی پێشخستن و داهێنان دەدەین".

 

زانیاری زیاتر: پارێزگاری دهۆک جەختی لەوە کردووەتەوە، ئەم شارە و خەڵکەکەی له‌ ماوەی ڕابردوودا ڕووبه‌ڕووی چەندین هه‌ڕه‌شه‌ و مه‌ترسی بوونه‌ته‌وه‌ بۆ بچووککردنەوەیان، به‌ڵام دهۆک توانی ڕووبەڕووی هەموویان ببێتەوە، پێشکه‌وتنێکی به‌رچاو و دیاری به‌خۆیەوە بینیوه‌.