ڕێکخراوی تەندروستیی جیهانی: ئەگەر شەڕ لە غەززە بەردەوام بێت مردن بە نەخۆشی زیاتر دەبێت

ئاڤا نیوز

 

ڕێكخراوی تەندروستیی جیهانی هۆشداری دەدات لە بەردەوامی شەڕ لە غەززە و دەڵێت، ئەگەر شەڕ بەردەوام بێت، ڕێژەی مردن بە نەخۆشی زیاتر دەبێت.

 

وێنە گەورەكە: بەردەوامی شەڕ و نەبوونی خواردن و پێداویستیی سەرەتایی و هەبوونی تەرمێكی زۆر لەژێر باڵەخانەكاندا، هۆكارێكی سەرەكین بۆ دروستبوونی نەخۆشی كوشندە و درێژخایەن. ئێستا ئەفریقیا و غەززە بەدەست ئەو دەردەوە دەناڵێن و تەندروستی جیهانیش هۆشداری تووند لەو بارەیەوە دەدات.

 

ڕاگەیێەنراوی فەرمی: ڕێكخراوی تەندروستیی جیهانی دەڵێت: "پێشبینی دەکەین ڕێژەی مردن و نەخۆشی بە شێوەیەکی بەرچاو بەرز بێتەوە ئەگەر هێرشی ئیسرائیل بۆ سەر ڕەفەح بەردەوام بێت.