دیلان پۆلات لە زیندانەوە بۆ نەخۆشخانەی دەروونی دەگوازرێتەوە

ئاڤا نیوز

 

دیلان پۆلات، گەورە بازرگان و خاوەنی" سەنتەری جوانکاری دیلان پۆلات" لە تورکیا، دوای ئەوەی بە تاوانی سپیکردنەوەی پارە زیندانی کرا، گوازرایەوە بۆ نەخۆشخانەی دەروونی.

 

بۆچی گرنگە: دیلان پۆلات، یەکێکە لە کەسایەتییە دیارەکانی سۆشیال میدیای تورکیا، خاوەنی چەندین سەنتەری جوانکارییە لە تورکیا کە سەرجەمییان لەلایەن حکومەتەوە دەستی بەسەرداگیراوە. ناوبراو لقێکیشی لە شاری هەولێر هەیە.

 

لێدوانی فەرمی: نەبەز عەبدولحەمید، قائیمقامی هەولێر، بە ئاڤا میدیای گوت، ئەو سەنتەرە ئێستا لە هەولێر کراوەیە و  هیچ کێشەیەکی یاسایی و تەندروستیی نییە، مۆڵەتی هەیە و بەناوی پزیشکێکی کوردە.

 

چی ڕوویدا؟ دیلان پۆلات و هاوسەرەکەی ئێنگین پۆڵات، ماوەی شەش مانگە بە تاوانی سپیکردنەوەی پارە و خۆدزینەوە لە باج لە زیندان دەستبەسەرن، دوای ئەوەی هەوڵی داوە کۆتایی بە ژیانی خۆی بهێنێت، لەسەر ڕاسپاردەی پزیشک لە نەخۆشخانەیەکی دەروونی دەخەوێندرێت.