پێنج گوندی کەڵەکچی قیرتاو دەکرێن

ئاڤا نیوز

بە گوژمەی ملیارێک و 600 ملیۆن دینار، ڕێگای پێنج گوند لە ناحیەی کەلەکچی لە پارێزگای دهۆک قیرتاودەکرێن.

ئەوەی پێویستە بیزانیت: لە کابینەی نۆیەمی حوکمەتی هەرێـمی کوردستان چەندین پرۆژە و خزمەتگوزاری جۆراوجۆر لە ناحیەی کەلەکچی و گوندەکانی سەر بەو ناحیەیە ئەنجامدراون.

لێدوانی فەرمی: هەڤاڵ محەمەد، بەرێوەبەری ناحیەیی کەڵەکچی بە ئاڤا نیوزی گوت: بە گوژمەی ملیارێک و 600 ملیۆن دینار بە دڕێژایی 14 کیلۆمەتر ڕێگای گوندەكانی ( دەروێشان، ئافدەلی، تلجومل، زیناڤا کەڤن و گەرمکی بچووک) لە ناحیەی کەڵەکچی قیرتاودەکرێن.

بۆچی گرنگە: قیرتاوکردنی ڕێگای ئەم پێنج گوندە، خزمەتی زیاتر بە هاووڵاتیانی ناوچەکە دەکات و بە ئاسانی بە ناحیەی کەڵەکچیان دەگەیێنێت و سوودی بۆ جووتیارانیش دەبێت.