وەزیرانی بەرگریی ئەمریکا و چین کۆبوونەوە

ئاڤا نیوز

وەزیرانی بەرگریی ئەمریکا و چین لە سەنگاپوورە کۆبوونەوە، گفتوگۆی ڕاستەوخۆیان سەبارەت بە پرسە هاوبەشەکانی نێوانیان ئەنجام دا.

وێنە گەورەکە: کۆبوونەوەی نێوان لۆید ئۆستن، وەزیری بەرگریی ئەمریکا و جۆنگ جونی هاوتا چینییەکەی لە پەراوێززی دیالۆگی شانگریلا دەبێتە یەکەمین کۆبوونەوەی لەو چەشنە کە لە ماوەی 18 مانگی ڕابردوودا لە نێوان هەردوو وڵاتدا ئەنجام درابێت. 

زانیاریی زیاتر: نۆڤەمبەری ڕابردوو لە کۆبوونەوەی لوتکەی نێوانیاندا ئەمریکا و چین بڕیاریان لە سەر ئەنجامدانی گفتوگۆکان لە سەر ئاستی بەرز دا. 

بۆچی گرنگە: ئەم کۆبوونەوانە دەتوانن ڕۆڵی ئەرێنییان لە سەر کەمکردنەوەی گرژییەکانی نیمچەدوورگەی تایوان هەبێت، کە بە هۆی هاتنە سەر کاری سەرۆکێکی سەربەخۆخواز لە تایوان و ئەنجامدانی مانۆڕی سەربازیی چین لە ناوچەکە زیاتر بوون.