سەرژمێریى ئەزموونی لە هەرێمی کوردستان دەست پێ دەکات

ئاڤا نیوز

پڕۆسەی سه‌رژمێریى ئه‌زموونی بۆ ماوەی 14 ڕۆژ لە عێراق و هەرێمی کوردستان بەڕێوە دەچێت.

وێنە گەورەکە: دەستەی ئاماری هەرێمی کوردستان لە هەرسێ پارێزگای هەولێر، سلێمانی و دهۆک بۆ چۆنیەتیی جێبەجێکردنی پڕۆسەی ئامار خولێکی ئەزموونیی بەڕێوە دەبات، ئەمڕۆ پڕۆسەکە لە هەرێمی کوردستان دەستی پێ کرد.

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی ڕاگەیاند: ئەمڕۆ 31-5-2024، به‌ سه‌رپه‌رشتیی ده‌سته‌ی ئاماریی هه‌رێمی كوردستان و به‌ هه‌ماهه‌نگیی له‌گه‌ڵ وه‌زاره‌تی پلاندانانی عێراق له‌ هه‌ولێر پڕۆسه‌ سەرژمێریی ئه‌زموونییه‌ له‌ قه‌زای به‌حر‌كه‌ ده‌ستی پێ كرد.

لە لایەکی دیکەوە: هه‌ڤاڵ ئه‌بوبه‌كر، پارێزگاری سلێمانی ڕایگه‌یاند: وەک پارێزگای سلێمانی هه‌موو ئاماده‌كارییه‌كمان بۆ سه‌رخستنی پڕۆسه‌ی سه‌رژمێریی ئه‌زموونی كردووه‌، سەرژمێرییەکە تایبەتە بە گه‌شه‌ی دانیشتووانی عێراق.

ئەوەی پێویستە بیزانیت: پڕۆسەی سه‌رژمێریی ئه‌زموونی ئەمڕۆ 31-5-2024، دەستی پێ کردووە، بۆ ماوه‌ی 14 ڕۆژ له‌ عێراق و هه‌رێمی كوردستان به‌رده‌وام ده‌بێت و له‌ 13-6-2024دا  كۆتایی پێ دێت.

باكگراوند: کۆتا سەرژمێریی دانیشتووانی عێراق لە ساڵی 1987ـەوە‌ بەڕێوە چوو.