دامەزراندنی كۆمپانیایەک لە هەرێمی كوردستان تەنیا 153 هەزار دیناری تێدەچێت

ئاڤا نیوز

بەرێوەبەری بەرێوەبەرایەتی گشتی تۆماری کۆمپانیاکان ڕایگەیاند، کار ئاسانی و چاکسازیەکانی حکومەتی هەرێمی کوردستان لە تۆماری کۆمپانیاکان، بووەهۆی ئەوەی لە ماوەی 24 کاتژمێردا کۆمپانیا دابمەزرێت.

بۆچی گرنگە: کارئاسانییەکانی کابینەی نۆیەم بووەتە هۆی هاندانی هەشت هەزار و 274 کۆمپانیای نوێ تا خۆیان تۆمار بكەن، ئێستا تێچووی دامەزراندنی کۆمپانیا تەنیا 153 هەزار دینارە.

ڕاگەیێنراوی فەرمی: بڵند محەمەد، بەرێوەبەری بەرێوەبەرایەتی گشتی تۆماری کۆمپانیاکان ڕایگەیاند: بڕیارەکان و هەموارەکانی یاسای حکومەتی هەرێمی کوردستان، بووە هۆی دامەزراندنی سیستەمێکی ئەلکترۆنی خێرا و ئاسان کە لە ماوەی 24 کاتژمێردا کۆمپانیا تۆمار بکرێت. 

ژمارەکان وا دەڵێن:-
 36 هەزار و 567 کۆمپانیا لە هەرێمی کوردستان تۆمارکراون.
 32 هەزار و23 کۆمپانیا ناوخۆیین.
 سێ هەزار و 405 کۆمپانیا بیانین .
  هەزار و 139 کۆمپانیای عێراقی لە هەرێمی کوردستان کاردەکەن.