ئەوانەی ئەمشەو دێن بۆ ئیسکان پارێزراو دەبن

ئاڤا نیوز

 

هەموو ڕێکارە ئەمنییەکان گیراونەتە بەر بۆ پاراستنی کەشی کەرنەڤاڵەکەی ئاڤا لە ئیسکان. 

 

وێنە گەورەکە: ئەمشەو ئاڤا میدیا کەرنەڤاڵێکی گەورەی وەرزشی بە بۆنەی بەڕێوەچوونی یاری کۆتایی چامپیۆنزلیگ لە شەقامی ئیسکانی هەولێر ساز دەکات، گەنجانی هەموو ناوچەکانی هەرێمی کوردستان لە بەردەم سێ شاشەی زەبەلاح کۆ دەکاتەوە.

 

ڕاگەیێنراوی فەرمی: "بەلەبەرچاوگرتنی ئەم ڕووداوە گەورە وەرزشییە، چاوەڕوان دەکرێت  لەسەر ئاستی هەرێمی کوردستان و عێراق ببێتە گەورەترین کەرنەڤاڵی وەرزشی. تەواوی ئامادەکارییە ئەمنییەکان کراون بۆ پاراستنی گیانی هاونیشتمانیان و ئارامی شار هێزەکانی ئاسایش، پۆلیس و هێزەکانی ناوخۆ خراونەتە حاڵەتی ئامادەباشییەوە بۆ پاراستنی ئاسایشی شار تاوەکو هەزاران هاونیشتمانی بتوانن لە کەشێکی ئارامدا بەشداری کەرنەڤاڵە گەورەکە بکەن". نەبەز عەبدولحەمید، قایمقایمی قەزای ناوەندی هەولێر، وای بە ئاڤا نیوز ڕاگەیاند.

 

ئەمەش بزانە: ئەمشەو ئیسکان پێشوازی لە هەزاران هاونیشتمانی دەکات،  گەنجانی  ناوچە جیاوازەکانی هەرێمی کوردستان بەپاسی تایبەت بەڕێکەوتوون بۆ هەولێری پایتەخت بەمەبەستی سەیریکردنی یاری کۆتایی چامپیۆنزلینگ. ئاڤا میدیا  بەدانانی  سێ شاشەی گەورەوە یاریگای دێمبلی دەهێنێتە شەقامی ئیسکان، جگە لەوە لەسەر ستەیج چەندین بڕگەی جیاواو پێشکەش دەکرێت و چەندین خەڵاتی گەورە دانراوە بۆ ئەو کەسانەی پێشبنی بردنەوەی یارییەکەیان کردووە.