گوهدار شێخۆ: هەنگاوەکەی ئاڤا زۆر گرنگە

ئاڤا نیوز

سەرپەرشتیاری ئیدارەی سەربەخۆی زاخۆ دەڵێت "هەنگاوەکەی ئاڤا زۆر گرنگە و پشتگیریان دەکەین".

وێنە گەورەکە: ئەمشەو یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوەدەچێت، بۆ یەکەمجار ئاڤا سپۆرت کەرنەڤاڵێکی جەماوەریی وەرزشی لە کەشێکی دۆستانەدا لە شەقامی ئیسکان بە ئامادەبوونی گەنجانی هەموو شار و شارۆچکەکانی کوردستان ڕێکخستووە.

لێدوانی فەرمی: گوهدار شێخۆ، سەرپەرشتیاری ئیدارەی سەربەخۆی زاخۆ بە ئاڤا نیوزی گوت: ئەو هەنگاوەی ئاڤا میدیا ڕۆحییەتەکی وەرزشی پیشانمان دەدات کە گەنجانی کوردستان هەیانە و زاخۆش یەکێکە لەو شارە دیارانەی ئەو حەز و ڕۆحییەتەیان هەیە.

زانیاریی زیاتر: کۆکردنەوەی ئەو گەنجانە لە هەموو شارەکانەوە لە یەک شوێن کارێکی پیرۆزە بۆ هەر کارێکی لەو شێوەیەش ئێمە پشتگیرییان دەکەین، ئێمە چاوەڕوانین کەرنەڤاڵێکی جوان بەڕێوەبچێت.