ئاسایشی هەولێر لە ڕێگەی ئاڤاوە هەواڵێک ڕەتدەکاتەوە

ئاڤا نیوز

ئاسایشی هەولێر ئەو دەنگۆیانە ڕەتدەکاتەوە "کە گوایە لە ژێر پردێکی سنووری خەبات بۆمبێک هەیە".

ئەوەی پێویستە بیزانیت: لە تۆڕە کۆمەڵایەتیەکان هەواڵێک بڵاوکراوەتەوە گوایە لەژێر پردی پەڕینەوەی خەبات – هەولێر – مووسڵ، بۆمبێك دانراوە.

لێدوانی فەرمی: موقەدەم ئەردەڵان، گوتەبێژی ئاسایشی هەولێر بە ئاڤا نیوزی گوت: ئەو هەواڵانە دوورن لە ڕاستییەوە و بەدواداچوونیشمان کردووە و دەرکەوتووە ئەوەی دانراوە پێوەرێکی ئاوە.

زانیاریی زیاتر: چەند ڕۆژێک پێش ئێستا ئامێرێکی پێوەری ئاو لەلایەن بەڕێوەبەرایەتی ئاوی هەولێرەوە لەژێر پردەکە بەستراوەتەوە بە مەبەستی پێوانی ئاو.

کاریگەری و لێکەوتەکان: بڵاوکردنەوەی ئەو دەنگۆیانە دەبێتە هۆی بڵاوکردنەوەی ترس و دڵەڕاوکێ لەنێو خەڵکیدا.