سەیركردنی بە كۆمەڵی یارییە وەرزشییەكان سوودی تەندروستیی هەیە

ئاڤا نیوز 

بەپێی توێژیینەوەیەكی ژاپۆنی، سەیركردنی وەرزش  بەكۆمەڵ سوودی تەندروستی و دەروونیی هەیە.

وێنە گەورەكە: لە كاتژمێر 10:00ـی ئەمشەوەوە یاریی كۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند  دەستیپێكردووە، ئاڤا سپۆرتیش كەرنەڤاڵێكی جەماوەریی وەرزشی لە شەقامی ئیسكان ڕێكخستووە.

توێژینەوەی فەرمی: ماڵپەڕی "مێدیكاڵ ئێكسپرێس"ی بەریتانی بڵاویكردووەتەوە: بەپێی توێژینەوەیەكی نوێی ژاپۆنی، سەیركردنی وەرزش لەكۆبوونەوە جەماوەرییەكاندا هەستی سەربەخۆیی لای جەماوەر بەرز دەكاتەوە و ئەم هەستە نەك تەنیا وا لە تاكەكان دەكات هەست بە ڕازیبوون بكەن، بەڵكو سوودی بۆ كۆمەڵگەش هەیە بە باشتركردنی تەندروستی، بەرزكردنەوەی بەرهەمهێنان و كەمكردنەوەی تاوان.

زانیاریی زیاتر: ئەنجامەكان دەریانخستووە، سەیركردنی یارییەكان دەبێتە هۆی چالاكبوونی سووڕەكانی پاداشت لە مێشكدا، ئەمەش ئاماژەیە بۆ هەستكردن بە دڵخۆشی یان چێژ، بەتایبەتی سەیركردنی ئەو وەرزشانەی كە بەناوبانگترن و جەماوەریان زیاترە.