یەشار گولەر: ڕێگە نادەین یەکپارچەیی خاکی دراوسێکانمان بشێوێنرێت

ئاڤا نیوز 

هەڵبژاردنی شارەوانییەکانی رۆژئاوای کوردستان نزیک بووەتەوە، تورکیا هەڵبژاردنەکە بە هۆکارێک بۆ بەهێزکردنی "دەسەڵاتی خۆبەڕێوەبەری رۆژئاوای کوردستان" دەیبینێت.

وێنە گەورەکە: بڕیاروایە، لە 11ی حوزەیرانی ئەمساڵ هەڵبژاردنی شارەوانییەکان لە ناوچەکانی ئیدارەی خۆسەری رۆژئاوای کوردستان بەڕێوەبچێت، ئەمەش توركیای نیگەران كردووە.

لێدوانی فەرمی: یەشار گولەر، وەزیری بەرگریی تورکیا ڕایگەیاند:  بەناو بانگەشەکانی هەڵبژاردن لە ڕووی یەکپارچەیی خاکی سووریاوە قبوڵ ناکرێت، چونکە کاریگەریی نەرێنی لەسەر ئارامیی ناوچەکە دەبێت. بۆیە ڕێگە نادەین هیچ تاوانێک بە زیانی ئاسایشی نیشتیمانی و یەکپارچەیی خاکی دراوسێکانمان ئەنجام بدرێت.

لە لایەکی دیکەوە: گولەر پشتیوانیی تورکیای بۆ پەسەندکردنی دەستورێکی گشتگیر و  هەڵبژاردنی ئازاد، و دەستەبەرکردنی کەشێکی هەمەلایەنەی ئاساییکردنەوە و ئەمنی لە ناوچەکە ڕاگەیاند و گوتی:" دوای ئەوەی ئاسایشی سنوورەکانمان بە تەواوی مسۆگەر کرا، ڕەنگە بیر لە کشانەوە بکەینەوە".