بافڵ تاڵەبانی: لایەنەکانی ئۆپۆزسیۆن مایەی پێکەنینن

ئاڤا نیوز 

 

سەرۆکی یەکێتیی نیشتمانیی کوردستان سەبارەت بە ئۆپۆزسیۆنەکانی کوردستان دەڵێت، کوردستان پێویستی بە ئۆپۆزسیۆنێکی زمان ناشرین و زبر نییە و خەڵک پێکەنینی بە لایەنەکانی ئۆپۆزسیۆن دێت. 

 

وێنە گەورەکە: لە ساڵیادی دامەزراندنی یەکێتیی نیشتمانیی کوردستان ڕۆژنامەی کوردستانی نوێ چاوپێکەوتنێکی لەگەڵ بافڵ تاڵەبانی، سەرۆکی یەکێتیی نیشتمانیی کوردستان کردووە و لەبارەی کۆمەڵێک پرسی ناوخۆیی، هەرێمی و نێودەوڵەتی بیروڕای خۆی دەربڕیوە.

 

لێدوانی فەرمی: بافڵ تاڵەبانی لەبارەی حیزب و لایەنەکانی ئۆپۆزسیۆن لە هەرێمی کوردستان دەڵێت: یەکێک لە کێشەکانی هەرێمی کوردستان ئەوەیە کە لای ئێمە هەندێک جار ئۆپۆزسیۆن هەر دەبێت بەوەی کە خەڵک پێیان پێدەکەنێت، کوردستان پێویستی بە ئۆپۆزسیۆنێکی زمان ناشرین و زمان زبر نییە، خۆزگە ئۆپۆزسیۆنەکانمان ڕێکوپێکتربوونایە.