عێراق: ئەمساڵ لەڕووی بەرهەمی گەنمەوە دەگەینە ئاستی خۆبژێوی

ئاڤا نیوز 

بەرهەمی گەنمی جووتیارانی ئەمساڵ لە عێراق، یەک ملیۆن تۆنی لە ساڵی ڕابردوو زیاترە، وەزارەتی بازرگانی دەڵێت "ئەمساڵ دەگەینە ئاستی خۆبژێوی لە بەرهەمهێنانی گەنم".

لێدوانە فەرمییەكان: محەممەد خوزاعی، گوتەبێژی وەزارەتی بازرگانیی عێراق ڕایگەیاند: "وەرزی بەبازاڕکردنی گەنمی ساڵی 2024، ئامانجەکانی خۆی پێکا و دەگەینە قۆناغی خۆبژێوی لە بەرهەمی گەنمدا و بە تەواوی پشت بە بەرهەمی خۆماڵی دەبەستین".

لە لایەكی دیكەوە: "بەرهەمی گەنمی ئەمساڵ دەگاتە زیاتر لە 6.5ملیۆن تۆن کە 1.2ملیۆن تۆنی زیاتر دەبێت لە بەرهەمی ساڵی ڕابردوو". محەممەد خوزاعی، گوتەبێژی وەزارەتی کشتوکاڵی عێراقی وای گوتووە.

ئەوەی پێویستە بیزانیت: لە سەرەتای ئەم مانگەوە وەزارەتی بازرگانیی عێراق، لە 12 پارێزگای ناوەڕاست و باشوور، بەبازاڕیکردنی گەنمی جووتیارانی دەست پێکرد، دواتر لە سەرجەم پارێزگاکانی دیکە ئەو پڕۆسەیە بەڕێوە چوو و تا ئێستاش بەردەوامە.