ئیسرائیل بە پێشنیازەکەی بایدن بۆ ئاگربەست ڕازی دەبێت

ئاڤا نیوز

 

بەرپرسێکی باڵای ئیسرائیل ڕایدەگەیێنێت ئیسرائیل بە پێشنیازەکەی جۆ بایدن، سەرۆکی ئەمریکا، بۆ ئاگربەستی غەززە ڕازی دەبێت.

 

لێدوانی فەرمی: ئۆفێر فاڵک، ڕاوێژکاری باڵای بنیامین نەتانیاهۆ بۆ کاروباری سیاسەتی دەرەوە ڕایگەیاند: "ئێمە بە پڕۆژەکە ڕازی دەبین، هەرچەندە پڕۆژەیەکی باش نیە، بەڵام ئێمە دەمانەوێت بارمتەکان بەر بدرێن، هەموویان".

 
زانیاریی زیاتر: هێشتا ئیسرائیل بە فەرمی ڕازی بوونی خۆی بۆ ئاگربەست نیشان نەداوە. حەماسیش تەنیا لە لێدوانێکدا گوتویەتی بۆچوونیان سەبارەت بە پڕۆژەکە "ئەرێنییە". 

 

ئەوەی پێویستە بیزانیت: سەرەڕای هەوڵەکانی ئاگربەست، ئیسرائیل لە هێرشەکانی بۆ سەر غەززە بەردەوامە.