پارتی چوار داواکاری لەبارەی خشتەی بودجە پێشکەش دەکات

ئاڤا نیوز 

 

فراکسیۆنی پارتی بەنووسراوی فەرمی چوار داواکاری لە بەرژەوەندی دانیشتووانی هەرێمی کوردستان، پێشکەشی سەرۆکایەتی ئەنجوومەنی نوێنەران و لیژنەی دارایی کردووە.

 

وێنە گەورەکە: پەرلەمانی عێراق کاتژمێر 03:00ـی دوای نیوەڕۆی ڕۆژی دووشەممە 03-06-2024 دیاری کردووە بۆ ئەوەی دەنگ لەسەر خشتەكانی بودجەی گشتیی ساڵی 2024 بدات، گرنگترین پرس کە فراکسیۆنی پارتی داوای کردووە، جیاکردنەوەی مووچەی مووچەخۆرانە لە (ئینفاقی فعلی). 

 

لێدوانە فەرمییەکان: شاخەوان عەبدوڵڵا، جێگری سەرۆکی ئەنجوومەنی نوێنەرانی عێراق بە ئاڤا نیوزی ڕاگەیاند: ئەمڕۆ کۆبوونەوەی پەرلەمان دەکرێت بۆ دەنگدان لەسەر خشتەكانی بودجەی گشتیی ساڵی 2024، بەڵام ئەگەر هەیە کۆبوونەوەکە کاتژمێرێک لە کاتی خۆی دوا بکەوێت".

 

لە لایەکی دیکەوە: د. نەهلە ئەفەندی، ئەندامی ئەنجوومەنی نوێنەرانی عێراق، بە ئاڤا نیوزی داواکارییەکانی پارتی لە خشتەی بودجە خستەڕوو:- 

 

• - مووچەی مووچەخۆران بخرێتە سەر خەرجی حاکیمە
• - پشکی تایبەت بۆ دامەزراندنی سێ یەکەمەکانی زانکۆ و پەیمانگەکان
• - بەگرێبەستکردنی وانەبێژانی سەر بە وەزارەتی پەروەردە
• -هاوتاکردنی مووچەی خانەنشینانی هەرێمی کوردستان لەگەڵ خانەنشینانی عێراق

 

 ئەوەی پێویستە بیزانیت: پشکی هەرێمی کوردستان لە خشتەی بودجە دیاری کراوە و زیاتر لە 20 ترلیۆن دینارە.