حەماس: بۆ ڕازیبوون بە ئاگربەست کاتی زیاترمان پێویستە

ئاڤا دیجیتاڵ

 

ئیسرائیل، میسر، قەتەر و ئەمریکا پرۆژەیەکیان بۆ ڕاگەیاندنی ئاگربەست لە غەزە ئامادە کردووە، بەڵام حەماس وەڵامی کۆتایی نەداوەتەوە. 

 

وێنە گەورەکە: نزیکەی چوار مانگە شەڕی نێوان ئیسرائیل و حەماس بەردەوامە؛ ئێستاش چەندین هەوڵی نێودەوڵەتی بۆ ڕاگەیاندنی ئاگربەست لە ئارادان و هەوڵەکانیش جەختیان لەسەر ئازادکردنی بارمتەکان و گەیاندنی یارمەتی مرۆیی بۆ غەزە کردووەتەوە.

 

لێدوانی فەرمی: ئوسامە حەمدان، یەکێک لە بەرپرسە باڵاکانی حەماس رایگەیاند: "پێویستمان بە کاتی زیاتر هەیە بۆ ئەوەی هەڵوێستی خۆمان لەسەر پرۆژەی ئاگرەبەستەکە رابگەیەنین".  گوتیشی: "ئامادەی گفتوگۆکردنین لەسەر هەر دەستپێشخەرییەک بۆ کۆتاییهێنان بە هێرشەکان".

 

لەلایەکی دیکەوە: بڕیارە لە چەند رۆژی داهاتوودا، ئەنتۆنی بلینکن، وەزیری دەرەوەی ئەمریکا سەردانی رۆژهەڵاتی نێوەڕاست بکات و هەوڵەکانی بۆ ڕاگەیاندنی ئاگربەست لە لە غەزە چڕبکاتەوە.