کاتێک گوڵەبەڕۆژە دەخۆیت چی بەسەر جەستەت دێت؟

ئاڤا نیوز

گوڵە بەڕۆژە یەکێکە لەو خۆراکانەی زۆرێک ئارەزووی دەکەن، بەڵام زۆرێکیش دەپرسن ئایا ڕۆڵی هەیە لە کەمکردنەوەی دڵەڕاوکێ و کاریگەری باشی لەسەر تەندروستی هەیە؟

ئەوەی پێویستە بیزانیت: بەپێی راپۆرتێکی پێگەی " drlamcoaching، pharmeasy" خواردنی گوڵەبەڕۆژە کاریگەری لەسەر ئاستی دڵەڕاوکێ و تەندروستی گشتی هەیە، چونکە گوڵەبەڕۆژە دەوڵەمەندە بە ڤیتامین بی شەش کە کار لەسەر باشکردنی دۆخی دەروونی دەکات و سەرنجیش بەهێز دەکات.

زانیاریی زیاتر: بەپێی ڕاپۆرتەکە گوڵەبەڕۆژە وادەکات دەماغ کارەکانی باشتر بێت، بەهۆی بوونی ماددەی سیرۆتۆنین و نورینفرین تێیدا کار لەسەر کەمکردنەوەی نیشانەکانی خەمۆکی و دڵەڕاوکێ و دوودڵی دەکات.

وردتر: سوودە تەندروستیەکانی گوڵەبەڕۆژە:

یەکەم: بەهێزکردنی بەرگریی جەستە بەهۆی بوونی ماددەی زینک و سیلینیۆم

دووەم: دابەزاندنی ئاستی کۆلیسترۆڵ، ئەویش بەهۆی بوونی ڤیتامین بی سێ و بی پێنج و ترشی بانتۆسینیک.

سێیەم: باشترکردنی تەندروستی دڵ و فشاری خوێن، بەهۆی بوونی ترشی ئۆلیک و لینۆلیک و مەگنیسیۆم و پۆتاسیۆم و ماددەی ڕیشاڵی کە چەوری تێر و سۆدیۆمی تێدایە.

 

چوارەم: کەمکردنەوەی مەترسی شێرپەنجە، بەهۆی بوونی ئۆکسیدی بەهێز تیایدا، بەتایبەتیش مەترسی شێرپەنجەی قۆلۆن کەم دەکاتەوە.