‎ڤالان كەمال "نوێژی مردوو" بڵاودەكاتەوە

ئاڤا دیجیتاڵ 

هونەرمەند ڤالان كەمال، چوارەمین ڤیدیۆ كلیپی خۆی بەناوی " نوێژی مردوو" بڵاودەكاتەوە ، لە دوای رەمەزانیش بەرهەمی دیكەی دەبێت. 

‎زانیاریی پێویست: ئەمڕۆ یەكشەممە 4-2-2024، چوارەمین ڤیدیۆ كلیپی ڤالان كەمال بڵاودەبێتەوە. تێكستی گۆرانییەكە لەلایەن مازیار فایەق نووسراوە و عەگید پەروانی كاری میوزیكی بۆ كردووە.

 

لە زاری خۆیەوە: ڤالان کەمال لەبارەی مانای ناوی گۆرانییەكەی بە ئاڤا میدیای گوت: گوێگر كاتێك گوێی لە گۆرانییەكە گرت، بۆی ڕووندەبێتەوە واتای ناوی گۆرانییەكە چییە و بۆچی ئەو ناوە دیاریكراوە. باسی ئەوەشی کرد كلیپی گۆرانییەكە لە ناوەڕۆكدا سادەیە، حەزدەكەن بیسەر چێژ لە گۆرانییەكە وەربگرێت.

‎ئەوەی پێشبینی دەکرێت: ڤالان کەمال بڕیاری داوە دوای مانگی ڕەمەزان تەواوی بەرهەمەكانی ئەلبوومی "ملوانكە" بڵاوبكاتەوە.

پرۆفایل؛ ڤالان كەمال لە ساڵی 2018 ەوە دەستی بەكاری هونەریی كردووە و یەكەم بەرهەمی بە ناوی "وەرە بۆ لام" بڵاوكردبووەوە.