ئەردۆغان سەردانی جەهەپە دەکات

ئاڤا نیوز

بڕیارە ئەم هەفتەیە ڕەجەب تەیب ئەردۆغان، سەرۆککۆماری تورکیا سەردانی ئۆزگور ئۆزێل، سەرۆکی جەهەپە بکات، ئەمە دەبێتە دووەم کۆبوونەوەی نێوانیان لەم ماوەیەدا.

 لێدوانی فەرمی: ئۆزگور کەرەبات، پەرلەمانتاری جەهەپە قسەی بۆ ئاڤا نیوز کرد و لە وەڵامی پرسیاری؛ ئایا ئەم هەنگاوانە ئاماژەن بۆ لێکنزیکبوونەوەی ئەو دوو پارتە؟ گوتی: "وەک هەر پارتێکی ئۆپۆزیسیۆن و دەسەڵات لەپێناو بەدیهێنانی خواستی گەل کۆدەبینەوە، ئەمە بە واتای نزیکبوونەوەمان نایەت". 

بۆچی گرنگە: دوای ڕکابەری بەهێزی نێوان ئەم دوو پارتە بەتایبەت لە دوایین هەڵبژاردندا، کۆبوونەوەیان وەک  هیوایەک بۆ چارەسەکردنی پرسە گرنگەکانی تورکیا دەبینرێت. 

ئەوەی پێویساتە بیزانیت: جاری پێشوو جەهەپە لە سەردانەکەیدا بۆ لای ئاکپارتی داوکارییەکانی خۆی گەیاند، لە کۆبوونەوەی ئەم هەفتەیەش ئاکپارتی وەڵامی جەهەپە دەداتەوە.