كێشەی مووچەی هێزە ئەمنییەکان چارەسەر دەکرێت

ئاڤا نیوز 

 

حکومەتی هەرێمی کوردستان و عێراق گەیشتوونەتە ڕێککەوتن لەبارەی چارەسەرکردنی کێشەی مووچەی هێزە ئەمنییەکان و لەم هەفتەیەدا بەتەواوی چارەسەر دەبێت. 

بۆچی گرنگە: حکومەتی عێراق مووچەی سەرجەم وەزارەتەکانی ناردووە جگە لە پێشمەرگە و هێزە ئەمنییەکان، بە چارەسەرکردنی ئەم کێشەیە جارێکی دیکە مووچەکانیان دواناکەوێت.

 

زانیاریی بەدەستهاتوو: ئەم هەفتەیە ڕێککەوتنەکە جێبەجێ دەکرێت و حكومەتی هەرێمی كوردستان ناوی بەشێک لە هێزە ئەمنییەكان بۆ بەغداد دەنێرێت، بەمەبەستی ناردنی مووچەكانیان، لەبەرامبەردا بەغدا مووچەی مانگەکانی چوار و پێنجی هێزە ئەمنییەکان دەنێرێت کە بۆ هەر مانگێک زیاتر لە 352 ملیار دینارە. 

 

ژمارەکان وا دەڵێن: ناوی چواری و پلەی وەزیفی 282 هەزار پێشمەرگە و کارمەندی هێزە ئەمنییەکان ڕەوانەی بەغدا دەکرێت.

 

ڕێککەوتنەکە بەمشێوەیە: بەگوێرەی ڕێكکەوتنەكەی نێوان حکومەتی هەرێمی کوردستان و عێراق، ناوی سەرجەم هێزەكانی ناوخۆ و پێشمەرگە بە یەكەكانی 70 و 80ـەوە ڕەوانەی بەغدا دەکرێت.