سەنتەری ئیگڵ پۆست لە سەرجەم پارێزگاکانی هەرێمی کوردستان ئۆفیسی دەبێت

ئاڤا نیوز 

 

سەرۆکوەزیران بارزانی سەنتەری ئیگڵ پۆست لە هەرێمی کوردستان بۆ ئاڵوگۆڕی پۆستە لەسەر ئاستی ناوخۆ و نێودەوڵەتی دەکاتەوە و لە سەرجەم پارێزگاکانی هەرێمی کوردستان نووسینگەی دەبێت.

 

وێنە گەورەکە: سەرۆکوەزیران بارزانی، سەنتەری ئیگڵ پۆست لە هەولێر دەکاتەوە کە تایبەتە خزمەتگوزاریی پۆستەی ناوخۆیی و نێودەوڵەتی، ئامانج لێی پەرەپێدانی پۆستە و دامەزراندنی سیستمی پۆستی دیجیتاڵ گەشەسەندنی بواری پۆستەی هەرێمی کوردستانە.

 

زانیاریی بەدەستهاتوو: سەنتەرەکە لە سەرجەم پارێزگاکانی هەرێمی کوردستان نووسینگەی دەبێت، لە ئایندەیەکی نزیکدا کارەکانی دەستپێدەکات.

 

بۆچی گرنگە: لە عێراق و هەرێمی کوردستان پۆستە گرنگییەکی ئەوتۆی نەماوە، بەڵام حکومەتی هەرێمی کوردستان هاوشێوەی وڵاتانی جیهان خوازیاری ئاسانکارییە بۆ گەیاندنی پۆستە، بە کردنەوەی ئەم سەنتەرەش پەیوەندییەکی پتەو لەنێوان کوردستان، عێراق و جیهان دروست دەبێت.

 

خاڵی ستراتیژییەکان: خزمەتگوزاریی گەیاندنی ناوخۆیی و نێودەوڵەتی لە ڕێگەی دەریا، ئاسمان، بارهەڵگر، ئۆتۆمبێل یان بە ماتۆر سکیل. ئیگڵ پۆست دەتوانێت بارەکان بگوازێتەوە بەسەر شوێنە جیاوازەکاندا لە سەرانسەری ئاسیا، ئەفریقا، ئەمریکای باکوور، ئەمریکای باشوور، ئەوروپا و ئوسترالیا.