سعودیە 300 هەزار کەس بەهۆی نەبوونی مۆڵەتی حەج دەردەكات

ئاڤا نیوز 

هێزە ئەمنییەکانی سعودیە زیاتر لە 300 هەزار کەسیان لە مەککە دوورخستووەتەوە، بەهۆكاری ئەوەی بۆ بەجێگەیاندنی فەریزەی حەج ناویان تۆمار نەکراوە.

وێنە گەورەکە: ئەمساڵ حەجی نایاسایی كێشەی بۆ سعودیە دروستكردووە و سەدان هەزار كەس بەبێ مۆڵەت چوونەتە ئەو وڵاتە، لە هەرێمی كوردستانیشەوە هەزاران كەس بە نایاسایی چوونەتە ئەو وڵاتە و دەیانەوێت حەج بكەن.

ئەوەی پێویستە بیزانیت: لە نێو ئەو کەسانەی لە ڕۆژانی کۆتاییدا لە مەککە دیپۆرتکراونەتەوە، 153 هەزار و 998 بیانی هەبوون کە بە ڤیزەی گەشتیاری لە جیاتی ڤیزەی حەج هاتوون، بەپێی ئەوەی ئاژانسی فەرمیی ڕۆژنامەوانی سعوودیە  بڵاویکردووەتەوە.

ژمارەکان وا دەڵێن: 171 هەزار و 587 کەسی دیکە لە سعودیە نیشتەجێن، بەڵام دانیشتووی شاری مەککە نین و مۆڵەتی حەجیان نییە.

باكگراوند: بەپێی ئامارە فەرمییەکان، بۆ ئەمساڵ ملیۆنێک و 300 هەزار کەس ناوی خۆیان بۆ حەج تۆمارکردووە، لە ساڵی ڕابردوودا زیاتر لە ملیۆنێک و 800 هەزار موسوڵمان فەریزەكەیان ئەنجام داوە.