لیستێکی نوێی مووچە ڕەوانەی بەغدا کرا

ئاڤا نیوز

 

وەزارەتی دارایی هەرێمی کوردستان ڕایگەیاند، لیستێکی نوێی ناوی خاوەن پێداویستیی تایبەتیان بۆ وەزارەتی دارایی عێراق ناردووە، بەمەبەستی تەرخانکردنی مووچە.

 

وێنە گەورەکە: حکومەتی هەرێمی کوردستان لە هەوڵدایە کێشەی مووچەی فەرمانبەران بە یەکجارەکی چارەسەر بکات، ئەمڕۆ یەکشەممە سەرۆکوەزیران بارزانی ئەمەی گوت.

 

ڕاگەیێنراوی فەرمی: وەزارەتی دارایی هەرێمی کوردستان ڕایگەیاند، ئەمڕۆ یەکشەممە ڕێکارەکانی لیستی ناوی 13 هەزار و 120 خاوەن پێداویستیی تایبەت تەواو کراوە و ئاڕاستەی وەزارەتی دارایی حکومەتی عێراق کراوە، بە مەبەستی تەرخانکردنی بودجە بۆیان.

 

باکگراوند: لە مانگی شوباتی ئەمساڵ وەزارەتی کار لیستی ناوی زیاتر لە 13 هەزار خاوەن پێداویستیی تایبەتی بۆ ئەنجوومەنی وەزیرانی هەرێمی کوردستان بەرز کردەوە بەمەبەستی دابینکردنی مووچە؛ ئەمڕۆ وەزارەتی دارایی هەرێمی کوردستان ئەو ناوانەی بۆ وەزارەتی دارایی حکومەتی عێراق بەرز کردەوە.