ژاپۆن ڕێکارەکانی دیپۆرتکردنەوەی کۆچبەران ئاسانتر دەکات

ئاڤا نیوز

 

پەرلەمانی ژاپۆن یاساکانی پەیوەست بە کۆچبەران هەموار دەکاتەوە کە یارمەتی حکومەت دەدات ئاسانتر لە جاران بتوانێت ئەو کۆچبەرانە دیپۆرت بکاتەوە کە داوای وەرگرتنی مافی مانەوەیان ڕەتکراوەتەوە. 

 

وێنە گەورەکە: بە گوێرەی یاسای نوێ حکومەتی ژاپۆن ئەو کۆچبەرانە دەنێرێتەوە کە سێ جار داوای مانەوەیان ڕەتکراوەتەوە. پێشتر کۆچبەران دەیانتوانی چەندین جار داوای پێداچوونەوە بە بڕیاری ڕەتکردنەوەی مانەوەیان بکەن و لەو ماوەیەشدا لەو وڵاتە بمێننەوە. 

 

زانیاریی زیاتر: ژاپۆن چوارەم گەورەترین ئابووریی جیهانە و یەکێکە لەو وڵاتانەی کەمترین ژمارەی کۆچبەران وەردەگرێت، بە جۆرێک لە ماوەی ساڵی ڕابردوودا تەنیا 303 مافی کۆچبەری داوە، ئەوانیش زۆربەیان خەڵکی ئەفغانستان بوون.