وشکەساڵی دەبێتەوە هەڕەشە بۆ سەر زۆنگاوەکانی عێراق

ئاڤا نیوز  

گۆڕانکارییەکانی کەشوهەوا و بەرزبوونەوەی پلەکانی گەرما، بە دیاریکراوی لە ناوچەکانی ناوەڕاست و باشووری عێراق، دووبارە هەڕەشەن لەسەر وشکبوونی زۆنگاوەکان.

وێنە گەورەکە: زۆنگاوەکانی عێراق کە شوێنێکی میراتی جیهانی یونسکۆیە، بەهۆی گۆڕانکارییەکانی کەش و هەوا هەڕەشەی لەنێوچوونیان لەسەرە.

بۆچی گرنگە: زۆنگاوەکان بە سەرچاوەی سەرەکی ژیان و بەخێوکردنی گامێشەکان دادەنرێن، هاوکات لەوەڕگایەکی گرنگ و سەرچاوەی داهاتە بۆ ئەو خەڵکانەی لێی نیشتەجێن.

هۆکارە زانراوەکان: کەمبوونەوەی ڕێژەی ئاوی ڕووبارەکانی دیجلە و فورات بە یەکێک لە هۆکارە سەرەکییەکان دادەنرێت.

لێدوانی فەرمی: بەردانەوەی ئاوی فورات بە ئاراستەی زۆنگاوەکان لە 20 ڕۆژی ڕابردوودا کەمبووەتەوە، ئەمە هەواڵێکی دڵتەزێنە و جارێکی دیکە زۆنگاوەکان ڕووبەڕووی وشکەساڵی و کەمبوونەوەی ئاو دەبنەوە. جاسم ئەسەدی، سەرۆکی دامەزراوەی سروشتی عێراق وادەڵێت.

کاریگەریی و لێکەوتەکان: گۆڕانکارییەکانی کەش و هەوا کاریگەری لەسەر ژینگە، خاک، ژیان، تەندروستی، کشتوکاڵ و ئاژەڵداری دادەنێت، لە هەمووشی گرنگتر کۆچ کردنی ناچاری دانیشتووانی ئەو ناوچانە.

باكگراوند: ساڵی 2016 زۆنگاوەکانی عێراق لەلایەن یونسکۆوە خرایە لیستی میراتی جیهانییەوە، بەڵام ئێستا بەهۆی کەمیی ئاو و وشکبوونەوەیان مەترسی ئەوەیان لەسەرە لە لیستەکە لاببرێن.