تەقە کردنەکەی گەڕەکی هەولێری نوێ لەسەر کێشەی زەوی بووە

ئاڤا نیوز

بەهۆی کێشە لەسەر زەوییەک، چەند وەبەرهێنەرێک تەقە لەیەکتر دەکەن، بەپێی زانیارییەکان تا ئێستا دوو کەس کوژراون.

چیرۆکی سەرەکی: ڕزگار کۆچەر پەیامنێری ئاڤا چووە شوێنەكە و بەمشێوەیە باسی ڕووداوەکە دەکات: دەگوترێت کێشەکە لەنێوان چەند وەبەرهێنەرێک بووە، لەسەر زەوییەک بۆ دروستکردنی پڕۆژە، لە مەودایەکی نزیک تەقەیان لەیەکتر کردووە". 

ئەوەی پێویستە بیزانیت: هێزەکانی ئاسایش و پۆلیس چوونە شوێنی ڕووداوەكە و دۆخەکەیان کۆنتڕۆڵکرد.

زانیاریی بەدەستهاتوو: ڕووداوەکە ئێوارەی ئەمڕۆ لە گەڕەکی هەولێری نوێ لە نزیک شوقەکانی مینی سلاڤا ڕوویداوە. هێشتا هێزە ئەمنییەکان هیچ شتێکی فەرمییان بڵاونەكردووەتەوە، بەڵام بەپێی زانیارییە سەرەتاییەکان دوو کەس کوژراون و چوار کەسی دیکەش بریندارن.