50 هەزار مووچەخۆر لەڕێگەی "هەژماری من" مووچە وەردەگرن

ئاڤا نیوز 

 

تیمی هەژماری من ئاشكرای كرد، مووچە خۆران لە ڕێگەی نامەوە ئاگادار دەکرێنەوە لەوەی دەتوانن لە 100 ئامێری ATM مووچەکانیان وەربگرن.

 

ئەوەی پێویستە بیزانیت: مانگی ڕابردوو 25 هەزار مووچەخۆر لە ڕێگەی هەژماری منەوە مووچەیان وەرگرت، ئەمڕۆ سێشەممە 11-06-2024 بۆ مووچەی مانگی پێنج ڕێژەکە دوو هێندە بووە و دەتوانن مووچەکانیان لە ڕێگەی ئامێرەکانی ATM ڕابکێشن.

 

زانیاریی بەدەستهاتوو: تیمی هەژماری من بە ئاڤا نیوزیان گوت: "مووچە کاتژمێر سێی دوانیوەڕۆ دەچێتە سەر هەژماری مووچەخۆران و لە ڕێگەی SMS ـەوە ئاگاداردەکرێنەوە کە دەتوانن بچن لە ڕێگەی 100 ئامێری ATM کە لە 32 شوێنی جیاواز دانراون، مووچەکانیان ڕابکێشن.

 

وێنە گەورەكە: پڕۆسەی بە دیجیتاڵکردنی مووچە بەردەوام فراوان دەبێت و تاوەکو ئێستا زیاتر لە 400 هەزار مووچەخۆر لە پرۆژەی هەژماری من تۆمارکراون و زیاتر لە 220 هەزار کارتیش بە مووچەخۆران دراونەتەوە.