سەرۆکوەزیران بارزانی لە وەڵامی داواکاری و پێشنیازی جووتیاران: پشتیوان و هاوکارتانم

ئاڤا نیوز

 

سەرۆکوەزیران بارزانی پێشکەشکردنی هەموو کارئاسانی و پشتیوانییەک بۆ جووتیاران دووپات دەکاتەوە،  جەختیش لە بەردەوامبوونی حکومەت بۆ پەرەپێدانی زیاتری کەرتی کشتوکاڵ دەکاتەوە.

 

چیرۆکی سەرەکی: دوای دانانی بەردی بناغەی عەلوەی هاوچەرخی ئاکرێ کە دەبێتە دووەم گەورەترین عەلوە لەسەر ئاستی کوردستان و عێراق، سەرۆکوەزیران بارزانی سەردانی کێڵگەیەکی بەرهەمهێنانی پەتاتەی لە قەزای بەردەڕەش کرد و چاوی بە ژمارەیەکی جووتیاری سنوورەکە کەوت.

ڕاگەیێنراوی فەرمی: سەرۆکوەزیران بارزانی خۆشحاڵی خۆی بە بەرەوپێشچوونی بەرهەمی ناوخۆیی دەربڕیوە، جەختیشی کردووەتەوە بە هەموو شێوەیەک پشتیوانی جووتیاران دەبن و حکومەت لە کارکردن بۆ پەرەپێدانی زیاتری کەرتی کشتوکاڵ بەردەوام دەبێت.

لەلایەکی دیکەوە: جووتیارانی دەڤەرەکە چەندین پێشنیاز و تێبینیيان بەمەبەستی بەرەوپێشبردنی کەرتی کشتوکاڵ و چارەسەکردنی کێشەکانیان خستووەتەڕوو، سەرۆکوەزیرانیش پێشکەشکردنی هەموو کارئاسانی و پشتیوانییەکی بۆ جووتیاران دووپات کردووەتەوە.