ڕوانگەی سووری: هەسەدە ئەبو زەینەبی کوشتووە نەک هێزە ئەمنییەکانی عێراق

ئاڤا نیوز

ڕوانگەی سووری بۆ مافەکانی مرۆڤ ڕەتیدەکاتەوە هێزە ئەمنییەکانی عێراق بەشدارییان لە ئۆپەراسیۆنی کوشتنی ئەبو زەینەب یەکێک لە سەرکردە دیارەکانی داعش لە ڕەقە کردبێت.

چیرۆکی سەرەکی: دەزگای ئاسایشی نیشتمانیی عێراق ڕۆژی سێشەممە ڕایگەیاند، هێزێکی تایبەتی دژە تیرۆری عێراق ئەبو زەینەب یەکێک لە سەرکردەکانی داعشی لە ڕەقە کوشتووە.

 

ڕاگەیێنراوی فەرمی: ڕامی عەبدوڵڕەحمان بەڕێوەبەری گشتیی ڕوانگەی سووری بۆ مافەکانی مرۆڤ بە ئاڤا نیوزی ڕاگەیاند، ئەبو زەینەب هاوڵاتیی عێراقییە و خەڵکی ناوچەی ڕاوەیە لە پارێزگای ئەنبار، شەوی 16/17ـی مانگی ئایاری ڕابردوو لەلایەن دژەتیرۆری هێزەکانی سوریای دیموکرات بە پاڵپشتیی ئاسمانیی هێزەکانی هاوپەیمانان کوژراوە.

ئەمەش بزانە: ئەبو زەینەب لەگەڵ دژەتیرۆری هێزەکانی سوریای دیموکرات شەڕی کردووە، تاوەکو لەناو خانوویەک لە شاری بەسیرەی پارێزگای ڕەقەی سووریا گەمارۆ دراوە و کوژراوە، ڕوانگەی سووری بۆ مافی مرۆڤ ڕەتی دەکاتەوە هیچ هێزێکی ئەمنیی عێراقی بەشداری لەو ئۆپەراسیۆنەدا کردبێت.