گەلیێ زاخۆ ژ گەلیێ مرنێ دێ بیتە جهەکێ گەشتوگوزاری

ئاڤا دیجیتال

 

بڕیارە د ئەڤ سالەدا بەرێ بناغەی بۆ قۆناغا ئێکێ یا پرۆژەیێ گەشتیارییێ گەلیێ زاخۆ بهێتە دانان.

 

چیرۆکا سەرەکی: دەما چەندین سالان بوو گەلیێ زاخۆ ب گەلیێ مرنێ دهاتە بناڤکرن ژبەر ڕێکا وێ یا هاتن و چوونێ ، لێ بڕیارە ل وی گەلی پڕۆژەیەکێ گەشتوگوزاری بهێتە دروستکرن و ببیتە ڕووگەهەکا گەشتیاری ل ئیدارەیا سەربەخۆیا زاخۆ .

 

داخویانیا فەرمی: چیا ئەمین، رێڤەبەرێ گەشتوگوزارا زاخۆ بۆ ئاڤا میدیا ڕاگەهاند؛ پرۆژەیێ گەشتیارییێ گەلیێ زاخۆ ژ 500 دونەمێن ئەردى پێکدهێت و قۆناغا ئێکێ یا پرۆژەی ل نێزیک دێ بەرێ بناغەی بۆ هێتە دانان کو کۆمەلگەهەکێ و چەندین پێکهاتەیان بخۆڤە دگریت.

 

زانیاریێن زێدەتر: ژبەر ستراتیژیەت و گونجانێ، گەلیێ زاخۆ بۆ وی پرۆژەییێ گەشتوگوزاری هاتیە دەستنیشانکرن، دێ دەلیڤەیا کارى بۆ پتری 100 کەسان پەیداکەت .

 

ئەوا پێدڤیە بزانی: گەلیێ زاخۆ 15 کیلۆمەتران ژ باکوورێ سەنتەرێ زاخۆ دوورە، ڕێیەکا نەخۆش یا شوفێران بوو، لێ پشتی تۆنێلەک هاتیە دروستکرن، ئەو رێک ناهێتە بکارئینان و ژبەر ڤێ ژی د نوکەدا حکومەتا هەرێما کوردستانێ ب ژڤانە ژ ڕوویێ گەشتوگوزارێ ڤە مفای ل وی گەلی ببینیت.

 

باگرەوەند: د کابینەیا نەهێ یا حکومەتا هەرێما کوردستانێ دا گرنگییەکا زێدە ب کەرتێ گەشتوگوزارێ هاتیەدان ب تایبەت ل ئیدارەیا سەربەخۆیا زاخۆ، ژ دیارترینا وان ژی پرۆژەیێ گەشتیارییێ کۆرنیشێ دەلال بوو کو ب کۆژمێ 11 ملیار و 500 ملیۆن دیناران هاتیە دروستکرن، دەهان دەلیڤەیێن کاری پەیداکرینە و ڕێژەیا سەردانکرنا گەشتیاران بۆ زاخۆ گەلەک زێدەتر کریە.