گەشتی راستەوخۆی نێوان هەولێر و لەندەن دەستیپێکرد

ئاڤا نیوز

 

یەکەم گەشتی راستەوخۆی فڕۆکە لە نێوان هەولێر و لەندەن لە فرۆکەخانەی نێودەوڵەتیی هەولێرەوە دەستی پێکرد.

 

وێنە گەورەکە: ئەمرۆ لە یەکەم گەشتدا 121 سەرنشین ڕاستەوخۆ لە هەولێرەوە گەشتیان بەرەو فڕۆکەخانەی  گاتویکی لەندەن کرد؛ ئەوان کاتژمێر 2:30ـی پاش نیوەرۆ بەڕێکەوتن و کاتژمێر 7:30 دەگەنە لەندەن.

 

لێدوانی فەرمی: ئەحمەد وشیار، بەرێوەبەری فرۆکەخانەی نێودەوڵەتی هەولێر بە ئاڤا نیوزی گوت: بەردەوام دەبین بە هێنانی هێلی ئاسمانی زیاتر، هەفتەی داهاتوو سەردانی بەریتانیا و دەستەی فرۆکەوانی شارستانی ئەو وڵاتە دەکەین و داوامان کردووە کە هێلێکی گەشتی بۆ عێراق و هەرێمی کوردستان بکرێت.

 

لەلایەکی دیکەوە: جەیمس گۆڵدمان، کۆنسولی گشتیی بەریتانیا لە هەولێر بە ئاڤا نیوزی گوت: کردنەوەی گەشتی راستەوخۆی هەولێر بۆ لەندەن هەنگاوێکی گرنگە و پەیوەندییەکان دەباتە قۆناغێکی دیکەوە.

 

زانیاریی زیاتر: ڕۆژانە 76 گەشتی ئاسمانی لە هەولێر هەیە و لە سبەینێوە وە دەکرێتە 96 گەشت.