تونس مەرجی ڤیزای لەسەر هاووڵاتییانی عێراقی هەڵگرت

ئاڤا نیوز 

 حکومەتی تونس بڕیاری دا مەرجی ڤیزا لەسەر هاووڵاتییانی عێراقی هەڵبگرێت، لەمەودوا هاووڵاتییانی عێراقی دەتوانن بێ ڤیزا سەردانی ئەو وڵاتە بکەن.

وێنە گەورەکە: لە 12ی مانگی ڕابردوو کارەکانی خولی 17ی لیژنەی هاوبەشی عێراق و تونس، لە بەغدا بە ئامادەبوونی فوئاد حوسێن ـ جێگری سەرۆکوەزیران و وەزیری دەرەوەی عێراق لەگەڵ نەبیل عەمار ـ وەزیری کاروباری دەرەوە و کۆچی تونس بەڕێوە چوو.

ڕاگەیێنراوی فەرمی: وەزارەتی دەرەوەی عێڕاق ڕایگەیاند: پێشوازی لە بڕیاری حکومەتی تونس دەكەین لەبارەی هەڵگرتنی مەرجی ڤیزا لەسەر گەشتیارانی عێراق، بڕیارەکە بە یەکێک لە دەرەنجامەكانی کۆبوونەوەی لیژنەی عێراقی و تونسی لە مانگی ڕابردوو لە بەغدا لێكدەدەینەوە. 

بۆچی گرنگە: ئەم بڕیارە ژمارەی گەشتیارانی عێراق بۆ تونس زیاد دەکات و هاوکاریی نێوانمان لە بواری ئابووری و بازرگانی زیاتر پەرە پێدەدات. وەزارەتی دەرەوەی عێراق وا دەڵێت.