لە هەولێر 25 شوێن بۆ فڕێدانی پاشـماوەی ئاژەڵی قوربانی دیاریکراوە

ئاڤا نیوز

 

بەڕێوەبەرایەتی خزمەتگوزاری ژینگەپارێزی هەولێر 25 شوێنی دیاریکردووە، بۆ ئەوانەی دەیانەوێت پاشماوەی ئاژەڵی قوربانی فڕێ بدەن.

 

وێنە گەورەکە: ساڵانە لە جەژنی قوربان ژمارەیەک شوێن دیاری دەکرێن بۆ فڕێدانی پاشماوەی ئاژەڵی قوربانی، بەڵام بەشێک لە خەڵک پابەندی شوێنی دیاریکراو نابن و لە شوێنە چۆڵەکان پاشـماوەکان فڕێ دەدەن.

 

لێدوانی فەرمی: ژیار جەلال، بەڕێوەبەری خزمەتگوزاری ژینگەپارێزی هەولێر بە ئاڤا نیوزی گوت: هەولێر دابەشی سەر شەش زۆن کراوە، لە هەر زۆنێک چوار گەڕەک دیاریکراوە، تا هاوڵاتییان پاشماوەی ئاژەڵی قوربانی لێ فڕێ بدەن، تیمەکان بەردەوام نزیکی ئەو شوێنانە دەبن و ڕۆژانە دوو تا سێ جار ئەو حاویانە بەتاڵ دەکەنەوە.

ئەوەی پێویستە بیزانیت: بەڕێوەبەری ژینگەپارێزی هەولێر دەڵێت "لەگەڵ دیاریکردنی ناوی شوێنەکان، ژمارە تەلەفۆنمان بۆ ئەو حاڵەتانە داناوە، ئەگەر ماڵێک نەیتوانی پاشماوەکەی فڕێبدات، دەتوانێت تەلەفۆن بۆ ئەو ژمارانە بکات و تیمەکان دەچن لێیان وەردەگرن.

 

زانیاریی زیاتر: ئەو ژمارە تەلەفۆنانەی دیاریكراون: (07507049198/ 07514034251)
 (07514487060/ 07503291365) (07514016683 / 07504335703) (07504486085 /07504523979 )  (07504463027/ 07504368789) (07504515485/ 07504180006)