ئێران و سوێد زیندانیی ئاڵوگۆڕ دەکەن

ئاڤا نیوز 

 
دوای گفتوگۆی نێوانیان لە میرنشینی عوممان و بە نێوەندگیری بەریتانیا، ئێران و سوێد زیندانییەكانی نێوانیان ئاڵوگۆڕ دەکەن.

 

لێدوانە فەرمییەكان: کازم غەریب، ئەمینداری لیژنەی مافەکانی مرۆڤ لە ئێران ڕایگەیاند: سوێد حەمید نوری ئازاد کرد كە پێشتر بەرپرس بووە لە ئێران و دوای چەند کاتژمێرێکی دیکە دەگەڕێتەوە وڵاتەکەی خۆی.

 

لە لایەکی دیکەوە: ئۆلف کریسترشۆن، سەرۆکوەزیرانی سوێد ڕایگەیاند: هەردوو زیندانیی یوهان فلۆدێرۆس و سەعید عەزیزی لە لایەن دەسەڵاتی ئێرانی ئازاد کراون و لە ڕێگەی گەڕانەوەن.

 

ئەوەی پێویستە بیزانیت: حەمید نووری لە ساڵی 2019 لە فڕۆکەخانەی سوێد بە تۆمەتی ئەشکەنجەدان و لە سێدارەدانی بە کۆمەڵی زیندانیان لە زیندانەکانی ئێران لە ساڵی 1988 دەستگیر کرا.

 

ئەمەش بزانە: لە بەرامبەر دەستگیرکردنی ئەو بەرپرسە ئێرانییە، ئێران یوهان فلۆدێرۆس بە تۆمەتی سیخوڕیکردن بۆ ئیسرائیل و "گەندەڵیکردن لەسەر زەوی" کە سزاکەی دەگاتە لە سێدارەدان لە ساڵی 2022 دەستگیر کرد.