زێلێنسکی: لەگەڵ ڕووسیا گفتوگۆ دەکەین ئەگەر هێزەکانی بکشێنێتەوە

ئاڤا نیوز

سەرۆکی ئۆکراینا ئامادەیی وڵاتەکەی بۆ گفتوگۆکردن لەگەڵ ڕووسیا، سەبارەت بە کۆتاییهێنانی شەڕ ڕاگەیاند، بەو مەرجەی ڕووسیا هێزەکانی بکشێنێتەوە.

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا، لە پەراوێزی کۆنفڕانسیی ئاشتیی ئۆکراینا کە لە سویسرا بەڕێوەچوو، ڕایگەیاند: "ڕووسیا دەتوانێت سبەی لەگەڵمان دەست بە گفتوگۆ بکات، چاوەڕێی هیچ شتێکیش نەکات، تەنیا ئەگەر لە ناوچە یاساییەکانمان بکشێتەوە".

ئەوەی پێویستە بیزانیت: پێشتر پوتین مەرجی دەستپێکردنی گفتوگۆی لەگەڵ ئۆکراینا دیاری کردبوو، بەوەی لە چوار هەرێمی خۆی بکشێتەوە و ڕادەستی ڕووسیایان بکات، واز لە هەوڵی بەئەندامبوونیش لە ناتۆ بهێنێت.

وێنە گەورەکە: لە شوباتی 2022ـەوە شەڕی ڕووسیا و ئۆکراینا دەستیپێکردووە.

باکگراوند: تاوەکو ئێستا ڕووسیا نزیکەی یەک لەسەر پێنجی خاکی ئۆکراینای داگیرکردووە.