ئەمریکا: پێشنیازەکەی پوتین بۆ ئاشتی نالۆژیکییە

ئاڤا نیوز

لە پەراوێزی کۆنفڕانسی ئاشتیی ئۆکراینا کە لە سویسرا بەڕێوە چوو، ئەمریکا ناڕەزایی خۆی بەرامبەر بە پێشنیازەکەی پوتین بۆ ئاشتی لەگەڵ ئۆکراینا دەربڕی.

وێنە گەورەکە: پوتین دوو مەرجی بۆ ئاگربەست و دەستپێکردنی گفتوگۆ لەگەڵ ئۆکراینا ڕاگەیاندبوو، کە بریتین لە کشانەوەی ئۆکراینا لە چوار هەرێم و ڕادەستکردنیان بە ڕووسیا و هەروەها دەستبەرداربوونی لە هەوڵەکانی بەئەندامبوون لە ناتۆ. 

لێدوانی فەرمی: جەیک سولیڤان، ڕاوێژکاری ئاسایشی نیشتیمانیی ئەمریکا، ڕایگەیاند:" پێشنیازەکەی پوتین بۆ ئاشتی نالۆژیکی و پەسەند نەکراوە و "بەجێهێنانی داواکارییەکانی مۆسکۆ کیێڤ دەخاتە بەردەم مەتیرسیی زیاتر".

ئەوەی پێویستە بیزانیت: بەشداربووانی کۆنفڕانسی ئاشتی جەختیان لە سەر یەکپارچەیی خاکی ئۆکراینا کردووەتەوە.