لە کەرکووک دەزگای خێرخوازی بارزانی هاوکاری دوو هەزار و 229 خێزان دەکات

ئاڤا نیوز

دەزگای خێرخوازی بارزانی بەبۆنەی جەژنی قوربان گۆشتی بەسەر نزیکەی لە دوو هەزار خێزانی کەمدەرامەتی ئەو شارە دابەش کرد.

وێنە گەورەکە: دەزگای خێرخوازی بارزانی لە بۆنەکاندا  هەڵمەتی دابەشکردنی گۆشتی قوربانی دەستپێدەکات، ئەمڕۆ لە شاری کەرکووک ئەو هەڵمەتە بەرێوەچوو.

لێدوانی فەرمی: ڕێبوار محێدین، بەرپرسی نووسینگەی کەرکووکی دەزگای خێرخوازی بارزانی گوتی: دوو تۆن گۆشت بەسەر نزیکەی دوو هەزار خێزان دابەشکراوە.

زانیاریی زیاتر: جگە لە پێدانی گۆشتی قوربانی  هاوکاری دارایی و خواردن پێشکەش بە نزیکەی ژمارەیەک خێزان کرا، کۆی گشتیی دوو هەزار و 229 خێزان لە هاوکارییەکانی ئەو دەزگایە سوودمەند بوون.