بێگەرد تاڵەبانی: پلانی ئەمساڵمان بایەخدانە بە ئاسایشی ئاو و خۆراک

ئاڤا دیجیتاڵ

وەزیری کشتوکاڵ و سەرچاوەکانی ئاو ڕایدەگەیێنێت، پلانی ئەمساڵیان بایەخدانە بە سەرجەم سێکتەرەکان، بەکورتی ئەوەی پێی بگوترێت ئاسایشی ئاو و خۆراک.

بێگەر تاڵەبانی، وەزیری کشتوکاڵ و سەرچاوەکانی ئاوی هەرێمی کوردستان، لە لێدوانێکی تایبەتدا بە ئاڤا نیوزی ڕاگەیاند: "بۆ ساڵی 2024 پلانمان هەیە چ لە بواری وەبەرهێنان، چ لە بواری پەرەپێدانی بەروبوومە کشتوکاڵییەکان، چ لە بواری پاکێجینگ و بەبازاڕکردنی بەروبوومە کشتوکاڵییەکان کاری باشتریان بۆ بکەین".

وەزیری کشتوکاڵ ڕاشیگەیاند: "بۆ هەموو سێکتەرەکان پلانمان هەیە، واتە تەنیا بەروبوومی کشتوکاڵی نا، بەڵکو بەروبوومی ئاژەڵی و پەلەوەری، سێکتەری ئاویش لە چوارچێوەی پلانی کارماندایە، بەکورتی ئەوەی پێی بگوترێت ئاسایشی ئاو و خۆراک لە پلانی ئێمەدایە بۆ ساڵی 2024".